განსაკუთრებით მნიშვნელოვანია განათლებაზე ხელმისაწვდომობის ზრდა სოციალურად დაუცველი ჯგუფებისათვის. მათ ნაკლები შესაძლებლობა აქვთ, ისწავლონ თანამედროვე აკადემიურ სივრცეში და ამისათვის მეტი მხარდაჭერა ესაჭიროებათ.  

​

ხშირად მათ არ აქვთ საკმარისი შემოსავალი და ფინანსური სახსრები, რომ სტუდენტობისას საკუთარი ცხოვრების ხარჯები დაფარონ და ამ მიზეზით უწევთ უმარლეს სასწავლებლებში სწავლის გაგრძელებაზე უარის თქმა.

​​

2024 წელს პროექტ "დააფინანსე შესაძლებლობის" ფარგლებში ალუმნი ფონდი თავისუფალი უნივერსიტეტის 2024 წლის მიღების სოციალურად დაუცველ სტუდენტებს დაუფინანსებს ერთწლიან ყოველთვიურ 300 და 400-ლარიან სტიპენდიებს.

​​​

ერთი სტუდენტის ერთწლიანი ყოველთვიური 300-ლარიანი სტიპენდიის დასაფინანსებლად საჭიროა 4,500 ლარის მობილიზება (გადასახადების ჩათვლით), 400-ლარიანი სტიპენდიის შემთხვევაში საჭიროა 6,000 ლარი. 2024 წელს ალუმნი ფონდი მინიმუმ ხუთ სტიპენდიას დააფინანსებს.

​​

​

​

​

​

​

​

კონკურსის მონაწილეებისთვის

​

კონკურსში მონაწილეობის მიღება შეუძლიათ 70,000-ზე ნაკლები სარეიტინგო ქულის მქონე სოციალურად დაუცველ ან სახელმწიფო ზრუნვის ქვეშ მყოფ პირებს, რომლებიც 2024 წელს ჩააბარებენ თავისუფალ უნივერსიტეტში.

​​

სასტიპენდიო კონკურსი სააპლიკაციო და გასაუბრების ეტაპებისგან შედგება. გამარჯვებულები 2024 წლის დეკემბერში გამოვლინდებიან.

​​​

კონკურსის გამარჯვებულებს ერთი წლის განმავლობაში დაუფინანსდებათ ყოველთვიური 300 და 400-ლარიანი სტიპენდია.

​

კონკურსში მონაწილეობის მისაღებად გთხოვთ, აპლიკაცია 2024 წლის 8 ნოემბრის ჩათვლით შეავსოთ.